URUKUNDO
Ibimenyetso bitanu byerekana ko umukunzi wawe ashobora kuba iby’urukundo atakibirimo.
1. Guhora ahunga ibiganiro bikomeye
Iyo umukunzi ahora yirinda cyangwa akirengagiza ibiganiro bifite akamaro, ubutumwa cyangwa akagusubiza ku buryo bweruye ko atabishaka, bishobora kuba ikimenyetso cy’uko atacyumva ko ari ngombwa kuganira, n’ikimenyetso cyo kwitandukanya n’umubano wanyu.
2. Itumanaho rigabanyuka
Mu mwanya w’ibiganiro byimbitse byuzuye amarangamutima n’ibitekerezo, mugasigara muvugana gusa ku bintu by’ibanze byo mu buzima bwa buri munsi, bigaragaza ko umutima we utakiri mu mubano.
3. Agukura mu ntekerezo ze z’ahazaza
Iyo atagishaka kuganira ku by’ejo hazaza byanyu cyangwa akibanda ku nyungu ze bwite gusa, bishobora kugaragaza ko mu bitekerezo bye ko atakikubaramo.
4. Umwe ashaka kuganira, undi agahunga
Ni igihe umwe asaba ko mukemura ikibazo, undi agahitamo guceceka cyangwa kwikura muri icyo kiganiro. Ibi bitera ubusumbane mu mubano no gukura umutima mu gushaka umuti w’ibibazo.
5. Kugabanuka k’ubusabane bwanyu
Igihe mureka gusangira ibikorwa bisanzwe by’urukundo, nko gusohokana, gukoranaho, kuganira mu buryo bwimbitse cyangwa gutanga ubufasha bw’amarangamutima. Ibi bigaragaza ko haba hari icyuho gikomeye mu mubano.
Niba ibi bimenyetso ubibona mu mubano wawe, bishobora kuba ari igihe cyo gufungura ibiganiro byubaka ntibibe impaka zisakuza.
