By JUNIOR REGIS 
Kuri uyu wa 08 Ukuboza 2024, Luís Carlos Almeida da Cunha wamenyekanye ku mazina ya “Luis Nani” abinyujije ku mbuga nkoranyambaga ze zitandukanye yatangaje ko asezeye ku mwuga wo guconga ruhago nyuma yo gukinira amakipe 10 atandukanye mu myaka igera 19 yaramaze ari umukinnyi w’ umupira w’ abigize umwuga.
Luis Nani ni umunya-Portugal wavutse kuwa 17 Ugushyingo 1986, avukira muri Portugal mu mujyi w’ Amadora mu majyaruguru y’ umurwa mukuru wa Portugal (Lisbon). Nani yavukiye ku babyeyi b’ abanyafrica, kuko ise na nyina bakomoka muriCape Verde. Nani we n’ abavandimwe be baje gutabwa n’ ababyeyi babo, ise ubabyara yabataye afite imyaka itanu yisubirira muri Cape Verde ntiyagaruka, naho nyina ubabyara we yabataye afite imyaka 12, ajya gushakira amaronko mu Buholandi. Nani n’abndi bavandimwe be 9 nyuma yo gutabwa n’ ababyeyi babo barezwe na nyirasenge wabo akurira mu mujyi w’ Amadora ari na wo yavukiyemo.
Umwuga wo guconga ruhago yawutangiriye mu ikipe y’ abato ya Real Massama akomereza muri Sporting CP . Sporting CP ni nayo yatangiriyemo nk’ uwabigize umwuga muri 2005 nyuma yaje no gukinira andi makipe atandukanye, kuko yakiniye amakipe 10 mu myaka 19 yaramaze akina umupira w’ amaguru. Dore amakipe yakiniye yaba ay’ abato, amakuru n’ amakipe y’ igihugu:
| Amakipe y’ abato | |||
|---|---|---|---|
| 2000–2003 | Real Massamá | ||
| 2003–2005 | Sporting CP | ||
| Amakipe makuru | |||
| Igihe yahakinnye | Ikipe | Imikino yayikiniye | Ibitego yayitsindiye |
| 2005–2007 | Sporting CP | 58 | (9) |
| 2007–2015 | Manchester United | 147 | (25) |
| 2014–2015 | → Sporting CP (loan) | 27 | (7) |
| 2015–2016 | Fenerbahçe | 28 | (8) |
| 2016–2018 | Valencia | 25 | (5) |
| 2017–2018 | → Lazio (loan) | 18 | (3) |
| 2018–2019 | Sporting CP | 18 | (7) |
| 2019–2021 | Orlando City | 77 | (28) |
| 2022 | Venezia | 10 | (0) |
| 2022–2023 | Melbourne Victory | 10 | (0) |
| 2023–2024 | Adana Demirspor | 28 | (4) |
| 2024 | Estrela da Amadora | 9 | (1) |
| Total | 455 | (97) | |
| Ikipe z’ igihugu | |||
| 2006–2007 | Portugal U21 | 11 | (1) |
| 2006 | Portugal B | 1 | (0) |
| 2006–2017 | Portugal | 112 | (24) |
Luis Nani asoje guconga ruhago amaze gutsinda ibitego 128, anatwara ibikombe 12 mu makipe atandukanye yakiniye, harimo na UEFA Euro 2016 yatwaranye n’ ikipe y’ igihugu ya Portugal. Dore ibikombe byose Nani yatwaye:
Sporting CP
Manchester United
- Premier League: 2007–08, 2008–09, 2010–11, 2012–13
- Football League Cup: 2008–09, 2009–10
- FA Community Shield: 2007, 2008, 2010, 2011
- UEFA Champions League: 2007–08
- FIFA Club World Cup: 2008
Portugal
Luis Nani asoje gukina ruhago nk’ uwagize umwuga ku myaka 38 y’ amavuko, ndetse akaba ari n’ umugabo wubatse nubwo adakunze gushyira hanze amakuru y’ umuryango we. Gusa yakoze ubukwe muri 2019 n’ umugore we Daniela Martins banafitanye abana babiri, umuhungu umwe (Lucas) n’ umukobwa umwe (Catarina).
Luis Nani na madamu we Daniela Martins.
Luis Nani na Madamu we n’ urubyaro.
Nani n’ inshuti ye magara Cristiano banakinanye, anamufasha kwisanga muri Man U no mu ikipe y’ igihuugu ya Portugal.
Nani nubwo atigeze agira amahirwe yo kurerwa n’ ababyeyi be ntibyamubujije kuba umukinnyi ukomeye, mu makipe yose 10 yakiniye.