Ngaba abakinnyi 10 b’ umupira w’ amaguru baguzwe ibintu bitangaje, birimo inzoga, inyama, n’ ibindi.

Isoko ry’ igura n’ igurishwa mu mupira w’amaguru akenshi rikunze kurangwa n’ agaciro k’ umukinnyi gapimirwa mu mafaranga, gusa umupira w’ amaguru kimwe n’ ubundi bucuruzi bwa kera amafaranga ataraza, hifashishwaga ibintu mu kugurana kuburyo buri wese yahahaga icyo yifuza bitewe nicyo yitwaje nk’ ingurane. Rero ibi bivuze ko hari abakinnyi baguzwe habayeho kugurana ibindi bintu hagati y’ ababagura n’ ababagurisha, harimo nk’ abaguzwe habayeho kubagurana inzoga, inyama ndetse n’ ibindi byinshi bitandukanye bitangaje. Kuri iyi nshuro ikinyamakuru http://garufm.com kifashishije ibinyamakuru birimohttps://www.givemesport.com  na https://www.espn.in cyaduteguriye transfers zabayeho zitangaje mu mateka y’ umupira w’ amaguru, aho hari abakinnyi baguzwe ibintu bitangaje.

1. Franco Di Santo

Umunya-Argentina, Franco Di Santo muri 2008 yaguzwe na Chelsea atangwaho miliyoni 3.4 z’amapawundi, aya mafaranga yahawe ikipe ya Audax Italiano yo muri Chile, gusa iyi kipe yishyuye Tiro Suizo yo muri Argentina inshundura ebyiri z’amazamu ndetse na litilo 40 z’ amarangi, nk’ indezo kuko ariyo yari yarareze Franco Di Santo.

2. Ernie Blenkinsop

Umwongereza Ernie Blenkinsop mu 1921 yaguzwe na Hull City amapawundi 100, gusa aya amafaranga bitewe n’ uko atarahagije Hull City yumvikanye na Cudworth Village ko bagomba kongeraho n’ ikaziye y’ inzoga.

Advertisement

3. Kenneth Kristensen

Muri 2002 rutahizamu w’ umunya-Noruveje yaguzwe na Vindbjart FK avuye muri Flekerooy. Kenneth Kristensen yaguzwe ibiro 75 by’ amafi yo mu bwoko bwa shrimp.

4. Marius Cioara 

Muri 2008 umunya-Romania yavuye muri UT Arad yerekeza muri Regal Horia, Marius Cioara yaguzwe ibiro 15 bya sausage (sosiso). Gusa birashoboka ko Cioara yaba yarabajwe n’amafaranga yaguzwe, kuko bidatinze nyuma y’uko amasezerano ye arangiye muri Regal Horia yahise ahagarika umupira w’ amaguru ajya gutangira ubuzima bushya muri Espagne. Nyuma yaho kandi Regal Horia yagize iti: “Turababaye kuko twahombye ibintu bibiri, icya mbere ni uko twatakaje umukinnyi mwiza(uwo Cioara yaraje gusimbura), icya kabiri ni uko twahombye ibiryo by’ ikipe, yari kurya icyumweru cyose.”

5. Ion Radu 

Mu 1998 Jiul Petrosani yagurishije umukinnyi wayo wo hagati Radu muri Valcea bamugurana toni 2 z’inyama z’inka n’ingurube. Jiul Petrosani yagurishije izo nyama, hanyuma ihemba abandi bakinnyi bose bari basigaye. Muruyu mwaka kandi Jiul Petrosani yagurishije Liviu Baicea muri UT Arad, aguranwa imipira 10 (ballon).

6. Gary Pallister

Gary Pallister yaguzwe na Middlesbrough avuye muri Billingham Town, yatanzweho ibintu bitangaje birimo: imyambaro mishya, imipira yo gukina, n’umufuka w’ imipira yo gukina. Gusa igitangaje nuko Middlesbrough yaje guhita imugurisha muri Manchester United miliyoni 2.3 z’amapawundi.

Advertisement

7. Collins John

Umuholandi Collins John yaguzwe na FC Twente avuye muri DES Nijverdal, FC Twente yishyuye ibintu bitangaje ubwo yaguraga uyu musore kuko yishyuye kugurira ibikoresho by’ ishuri ikigo cy’ amashuri gituranye na DES Nijverdal bari bamukuyemo nuko transfer iba irarangiye.

8. Ian Wright

Crystal Palace yaguze Ian Wright imukuye muri Greenwich Borough, Crystal Palace yahaye Greenwich Borough icyuma cyo guterura kizwi nka “haltère” nk’ igiciro cya Ian Wright. Gusa nyuma y’ igihe gito mu 1991 Crystal Palace yahise imugurisha muri Arsenal akamvagara k’ amafaranga agera kuri miliyoni 2.5 z’ ipawundi.

9. Daniel Allende

Mu 1979  Central Espanol yo muri Uruguay yagurishije Daniel Allende muri Rentistas. Central Espanol yumvikanye na Rentistas ko izishyura inyama zo mu bwoko bwa “steaks” zigera kuri 550, nk’ igiciro cya Daniel Allende, Gusa Rentistas yasabye Central Espanol ko itakwishyurira icyo kiguzi cyose icyarimwe ahubwo ikajya yishyura “steaks” buri cyumweru.

Advertisement

10. Zat Knight 

Mu 1999 Fulham yatanze imyambaro 30 ya siporo (tracksuits) muri Rushall Olympic kugira ngo ihabwe myugariro w’umwongereza Zat Knight, waruri kubica bigacika.

Nkuko twabibonye aba nibo bakinnyi baguzwe ibintu bitangaje, gusa ntibivuze ko araba bonyine baguzwe mu buryo nk’ ubu butangaje ahubwo nibo babashije kumenyekana nk’ uko tubikesha ibinyamakuru by’ imikino bitandukanye.

Advertisement