Manchester United yatandukanye ten Haag.

Ikipe ya Manchester United yamaze gutandukana (kwirukana) uwahoze ari umutoza wayo umuholandi “Erik ten Haag”,  azira umusaruro udahwitse. Iki cyemezo kije nyuma yo gutsindidwa na West Ham United kuri London Stadium ibitego 2-1 mumukino w’ umunsi wa 9 wa shampiyona y’ abongereza, ananganya na Fenerbahçe muri Europa League 1-1. Ni icyemezo kandi kije cyuzuza ibyifuzo by’ abakunzi ba Manchester United nyuma yo kwirukana abakinnyi bakunzwe n’ abakunzi ba Man U, barimo De Gea kwisonga Cristiano ndetse na Jadon Sancho. Ndetse Man U yamaze kwemeza Ruud van Nistelrooij wari umutoza wungirije ko  ari we ugomba gusigarana iyi kipe mu gihe igishaka umutoza mushya.

Umuholandi Erik ten Haag w’ imyaka 54 y’ amavuko yageze muri Manchester United tariki 23 Gicurasi 2022 avuye muri Ajax Amsterdam y’ iwabo mu Buholandi, aho yaraje gusimbura umudage “Ralf Dietrich Rangnick”. ten Haag mu mikino 128 yatoje Man U yatsinzemo 70 anganya 23 atsindwa 35, ndetse n’ icyizere cyo gutsinda buri mukino cyabaga ari 54.69 %

Dore umusaruro w’ abatoza batoje Manchester United uhereye Sir Alex Ferguson

Umutoza	Igihe yatoje	Imikino yatoje	Imikino yatsinze	Imikino yanganyije	Imikino yatsinzwe	Amahirwe yo gutsinda buri mukino
1. Sir Alex Ferguson	06 Ugushyingo 1986-19 Werurwe 2013	1500	895	338	267	59.7%
2. David Moyes	1 Nyakanga 2013-22 Mata 2014	51	27	9	15	52.94 %
3. Ryan Giggs*	22 Mata 2014-11 Gicurasi 2014	4	2	1	1	50.00 %
4. Louis van Gaal	16 Nyakanga 2014-23 Gicurasi 2016	103	54	25	24	52.43 %
5. Jose Mourinho	27 Gicurasi 2016-18 Ukuboza 2018	144	84	32	28	58.33 %
6.Ole Gunnar Solskjær	19 Ukuboza 2018-21 Ugushyingo 2021	168	91	37	40	54.17 %
7. Michael Carrick*	21 Ugushyingo 2021-2 Ukuboza 2021	3	2	1	0	66.67 %
8. Ralf Rangnick	2 Ukuboza 2021-22 Gicurasi 2022	29	11	10	8	37.93 %
9. Erik ten Haag	23 Gicurasi 2022	128	70	23	35	54.69 %

ten Haag agiye amaze gutoza Man U seson eshatu (3), season ya gatatu agiye atayisoje, aho asize Man U ku mwanya wa 14 mu shampiyona y’ abongereza igeze ku munsi wa 9.

Season	Imikino yatsinze	Imikino yanganyije	Imikino yatsinzwe	Umwanya yasorejeho	Ibikombe yatwaye
1. 2022-23	23	6	9	3	Carabaon Cup
2. 2023-24	18	6	14	8	FA Cup
3.2024-25	4	5	5	14	0

Umuholandi Rutgerus Johanes Martinus  van Nistelrooij w’ imyaka 48, uzwi nka “Ruud van Nistelrooij”wari umutoza wungirije ndetse akaba n’ umu-legend w’ iyi kipe niwe ugiye gusigarana Man U nk’ umutoza mukuru byagateganyo mu gihe hagishakwa undi mutoza.

Ruud van Nistelrooij yageze muri Man U nk’ umutoza wungirije tariki 11 Nyakanga 2024 aturutse muri PSV Eindhoven y’ iwabo mu Buholandi yatozaga. van Nistelrooij Kandi yanakiniye Man U kuva  2001 kugera 2006, ayikinira imikino 150 ayitsindira ibitego 95, abona kwerekeza muri Real Madrid.

Ruud van Nistelrooij niwe ugiye kuba umutoza wa 9 kuva Sir Alex Ferguson.

van Nistelrooij yigeze umukinnyi ngenderwaho wa Ferguson muri Man U.

van Nistelrooij niwe mukinnyi watsindiye Man U ibitego byinshi muri UEFA Champions League, 35.

Umukino wa mbere van Nistelrooij azawakiramo Chelsea kuri Old Trafford kuwa 03 Ugushingo 2024.