Kuri uyu wa 07 Ugushyingo 2024 ahagana mu masaha ya mu gitondo hamenyekanye amakuru avuga ko chairman wa APR FC Col (Rtd) Richard KARASIRA yahagaritswe ku mirimo yo kuyobora iyi kipe y’ ingabo z’ igihugu.
Col (Rtd) Richard KARASIRA aje akurikira NTAZINDA Eric nawe uherutse guhagarikwa ku mirimo yo kuba Team Manager w’ iyi kipe, asimbuzwa Major KAVUNA Elias. Si Chairman na Team Manager bonyine basezerewe muri iyi kipe y’ ingabo z’ igihugu kuko n’ uwarushinzwe umutungo muri iyi kipe KALISA Georgine nawe ari mu basezerewe kuko atigeze yongererwa amasezerano.
APR FC kandi yarimaze igihe gito ikoze impinduka mu buyobozi bwayo, kuko yariherutse gushyiraho Lt Col Alphonse MUYANGO nk’ umuyobozi ushinzwe ibikoresho by’ ikipe, naho Captain Deborah MUZIRANENGE ashyirwaho nk’ umuyobozi ushinzwe ibijyanye n’imari.
Col (Rtd) Richard Karasira yari yarageze kuri uyu mwanya muri Kamena 2023 asimbuye Gen. Mubarakh Muganga wari uhawe inshingano nshya zo ku ba Umugaba Mukuru w’Ingabo z’ igihugu.
Col (Rtd) Richard Karasira ahagaritswe kuri iyi mirimo yaramazeho amezi 17 gusa.
Ku mugoroba irushanwa rya mbere rikunzwe ry' amakipe yo ku mugabane w' uburayi yabaye aya…
Kuri uyu mugoroba wo kuwa 10 Ukuboza 2024 rya rushanwa ry’ amakipe rikomeye kuruta ayandi…
Kuri uyu wa 08 Ukuboza 2024, Luís Carlos Almeida da Cunha wamenyekanye ku mazina ya…