Byinshi utaruruzi kuri El Clásico yatijwe umurindi na politike ya Espagne.

El Clásico ni umukino w’ umupira w’ amaguru uhuza amakipe abiri y’ ubukombe yo mu gihugu cya Espagne, ariyo Real Madrid yo mu murwa mukuru Madrid na FC Barcelona yo mu ntara ya Catalonia. Ni amakipe akunze guhanganira cyane muri uyu mukino uyahuza  kugeza naho waje gushakirwa izina (El Clásico). Uku guhangana kw’ aya makipe kunafite inkomoko kuri politiki ya Espagne. Ndetse nigake wabona umukinnyi ava mu ikipe imwe ajya mu yindi, ku ahita yitwa umugambanyi Ikindi kandi uwavuga ko uyu mukino ariwo mukino urebwa cyane kuruta indi yose ibaho ntiyaba abeshye, kuko urebwa mu bihugu bisaga 185 ndetse nabarenga miliyoni 65o z’ abantu, kimwe mu bituma buri mukinnyi ugiye gukina uyu mukino bimushyira ku gitutu kuko awitwayemo neza afatwa nkumwe mu bakinnyi beza muri icyo gihe.

Inkomoko ya El Clásico

Uguhangana hagati y’ aya makipe kwatangiye kuzamuka mu mwaka wa 1930, ubwo uwahoze ari umusirikare “General Francisco Franco Bahamonde” yahiritse ku butegetsi (coup d’état )”Josep Sunyol i Garriga”  wari umuyobozi wa repubulika ya Espagne ndetse ahita anatabwa muri yombi. Uyu Josep Sunyol yari na president wa Barcelona. Ibi byatumye abaturage binubira ibyo ab’ ibwami babakorera banaboneraho kwanga ikipe y’ ibwami Real Madrid.

Muri icyo gihe abakunzi ba Barcelona / Abacatalan bahise bashyiriraho ikivugo FC Barcelona nanubu kikigaraga ku kibuga cya FC Barcelona, aricyo ” Més que un club” tugenekereje mu kinyarwanada bishatse kuvuga ngo :  “Birenze kuba ikipe” ,bishatse kuvuga ko ari ni ntwaro y’ Abacatalan bifashisha barwanya ubwami bwa Espagne bubarizwa i Madrid.

Muri uwo mwaka wabereyemo ihirikwa ku butegetsi rya Josep Sunyol yakorewe na General Fransisco Franco, Abacatalan bategereje kwihimura mu mukino warusanzwe uhuza Real Madrid na FC Barcelona ariko utangira kuba icyo uvuze muri uwo mwaka wabayemo “coup d’état”

Intara ya Catalonia ari naho FC Barcelona kuko Barcelona ari wo murwa mukuru wayo yigeze kwaka ubwigenge Espagne ahaganamuri 2017 ngo nayo ibe igihugu kigenga ariko Espagne itera utwatsi icyo kiuzo cy’ Abacatalan.

Imwe mu mibare ya El Clásico.

Mbere na mbere umukino  wa mbere wahuje aya makipe wabaye ku gicamunsi cyo kuwa 13 Gicurasi 1902 Saa Saba z’ amanywa, uyu mukino FC Barcelona yawutsinzemo Madrid FC ibitego 3-1, aha hari mu irushanwa rya “Copa de la Coronación 1902” iri rushanwa risigaye rizwi nka “Copa del Rey” gusa ntago yariyo “Copa del Rey” ya mbere yabayeho.

• Inshuro bamaze guhura. 

            

1. Bamaze gukina imikino 257 hatarimo imikino ya gicuti
2. Real Madrid imaze gutsinda inshuro 105 n’ ibitego 433
3. FC Barcelona imaze gutsinda inshuro 100 n’ ibitego 419
4. Banganya inshuro 52

• Abakinnyi bayoboye abandi mu byiciro bitandukanye bya El Clásico.  

1. Abakinnyi bamaze gutsinda ibitego byinshi muri El Clásico.

Abakinnyi	Ikipe yakiniye	Ibitego yatsinze
1. Leo  Messi	FC Barcelona	28
2. Alfredo Stéfano	Real Madrid	18
3. Cristiano Ronaldo	Real Madrid	18
4. Karim Benzema	Real Madrid	16
5. Raúl González	Real Madrid	15

2.Abakinnyi bamaze gutanga imipira myinshi yavuyemo ibitego (Assists) muri El Clásico.

Leo Messi niwe umaze gutanga imipira myinshi yavuyemo ibitego (assists) = 14

3. Abakinnyi bamaze gukina imikino myinshi ya El Clásico.

Abakinnyi	Ikipe yakiniye	Imikino yakinnye
1. Sergio Busquets	FC Barcelona	48
2. Leo Messi	FC Barcelona	45
3. Sergio Ramos	Real Madrid	45
4. Karim Benzema	Real Madrid	43
5. Manuel Sanchís, Paco Gento & Xavier Hernández*	Real Madrid & FC Barcelona*	42

• Utundi duhigo twa El Clásico.

1. Umukino wagaragayemo ibitego byinshi: Real Madrid 11-1 FC Barrcelona ( Copa del Rey),19 Kamena 1943
2. Ikipe yatsinze imikino myinshi yikurikiranya: Real Madrid yatsinze imikino 7 yikurikiranya , kuva mu 1962-1965
3. Sergio Ramos niwe umaze kubona amakarita y’ imihondo menshi 22 n’ amakarita y’ umutuku menshi 5
4. Leo Messi niwe umaze gutsinda penalty nyinshi , esheshatu (6)
5. Penalty yihuse yabonetse ku munota wa 2 itsindwa na n’ umunya Espagne Pirri wakiniraga Real Madrid hari kuwa 30 Mutarama 1977
6. Ronald Koeman na Leo Messi nibo bamaze gutsinda free kick (coup franc)
7. Sergio Busquets niwe umaze gutsinda El Clásico nyinshi, 23
8. Sergio Ramos niwe umaze gutsindwa El Clásico, 20
9. Abakinnyi bamaze gutsinda hat-trick nyinshi ni Santiago Bernabéu, Jaime Lazcano, Ferenc Puskás & Leo Messi, aba bombi bamaze gutsinda hat-trick ebyiri (2) muri El Clásico.
10. Umukinnyi watsinze igitego ari muto kuri El Clásico ni Alphonso Navarro umunya-Espagne wakiniraga FC Barcelona, yagitsinze afite imyaka 17 n’ iminsi 356, kuwa 30 Gicurasi 1947
11. Umukinnyi watsinze igitego akuze kuri El Clásico ni Alfredo Stéfano umunya-Espagne wakiniraga Real Madrid, yagitsinze afite imyaka 37 n’ iminsi 164, kuwa 15 Ukuboza 1963
12. Igitego cyihuse cyatsinzwe ku isegonda rya 21, gitsindwa n’ umufaransa Karim Benzema, kuwa 10 Ukuboza 2011.
13. Umutoza w’ umunya -Espagne Miguel Muñoz niwe umaze gutoza imikino myinshi , 36

• Transfer zimaze kuba muri aya makipe

Nubwo aya makipe adakunze guhahirana, bitewe no guhangana gukunze kuyaranga ntihabura gutenguha kubaho kw’  abakinnyi n’ aya makipe bakiniye, aho bagiye bafatwa nk’ abagambanyi.

Kugeza ubu abakinnyi bamaze gukinira aya makipe yombi ni 38, harimo n’ ababanje kunyura muyandi makipe mbere yo kwerekeza muri mukeba. FC Barcelona niyo imaze kohereza abakinnyi benshi muri Real Madrid bagera kuri 17, ukongeraho 5 bavuye muri FC Barcelona babanza kwerekeza muyandi makipe mbere yo kwerekeza muri Real Madrid, ubwo bose hamwe bakaba 22.

Mu gihe Real Madrid nayo imaze kohereza abakinnyi 6 muri FC Barcelona, ukongeraho 10 bayivuyemo babanza kwerekeza muyandi makipe mbere yo kwerekeza muri FC Barcelona, ubwo bose hamwe bakaba 17.

Zimwe muri transfer zitazibagirana, zabayemo kugambana kw abakinnyi batandukanye.

Abakinnyi bavuye muri Barça bajya muri Real	Abakinnyi bavuye Real bajya  muri Barça
1. Luis Figo	1. Luis Enrique
2. Ronaldo (Inter)	2. Samuel Eto’ o (Mallorca)
3. Javier Saviola	3. Julen Lopetegui (Logroñés)
4. Albert Celades	4. Gheorghe Hagi (Brescia)
5. Miquel Soler	5. Marcos Alonso (Bolton Wanderers, Fiorentina, Chelsea)

Abatoza batoje amakipe yombi ni babiri gusa.

Umunya-Uruguay Enrique Fernández Viola yatoje FC Barça 1947–1950, anatoza Real 1953–1954.

Umunya-Serbia Radomir Antićniwe mutoza watoje aya makipe yombi, yatoje Real 1991-1992, anatoza FC Barça muri 2003.

El Clásico ifatwa nk’ umukino urebwa cyane kuruta indi yose yo ku isi.

El Clásico ni umukino buri kipe iba ifite abakinnyi ngenderwaho bitezweho byinshi.

Ubusatirizi bwa BBC na MSN biri mu byaryoheje El Clásico.

Cristiano umaze gutsinda hat-trick nyinshi mu mateka ya ruhago, nta hat-trick nimwe yigeze atsinda kuri El Clásico.

General Francisco Bahamonde Franco niwe nyirabayazana w’ ihangana rya El Clásico.

Umunya-Catalonia Josep Sunyol i Garriga wabaye imbarutso y’ urwango abanya-Catalonia bafitiye ubwami bwa Espagne.

Ngayo nguko nkuko tumaze kubona intandaro n’ imvo yo guhangana kwaya makipe abiri y’ ubukombe mu gihugu cya Espagne dore ko aya makipe uko ari abiri ataranamanuka mu cyiciro cya kabiri kuva yabaho hamwe na Athletic Club Bilbao. Iri hangana twabonye ko ryatijwe umurindi na politiki yo muri Espagne.