Sports
Aya niyo makipe 10 y’umupira w’ amaguru akuze kurusha andi yose !
Mu myaka ya kera, mbere y’uko umupira w’amaguru uhinduka umukino ukunzwe ku isi yose, hari indi mikino yakinwaga nubwo itari mpuzamahanga. Nyuma rero haje kwaduka umukino w’ umupira w’ amaguru ahaganamu kinyejana cy 19, muri icyo kinyejana rero hagiye havuka amakipe y’ uwo mukino warugiye kwigarurira imitima y’ abatuye isi, kuri iyi nshuro rero ikinyamakuru GARUFM cyavuye imuzi urutonde rw’ amakipe 10 y’ umupira w’amaguru yashinzwe mu myaka yakera cyangwa se akuze kuruta ayandi.
Duhereye ku mwanya wa 10 ari na wo wanyuma, reka turebere hamwe aya makipe akecuye kuruta ayandi.
10. Sheffield Wednesday F.C. (1867)
Sheffield Wednesday yashinzwe mu mwaka wa 1867, ishingwa n’ abongereza bakundaga gukinira cricket mu mujyi wa Sheffield bakayikina ku munsi wo kuwa gatatu, ari naho ikomora ijambo “wednesday” mu izina ryayo. Iyi kipe y’umupira w’amaguru yabaye ikipe y’ ababigize umwuga mu mwaka wa 1887, hanyuma yinjira muri Football League cyangwa se shampiyona y’ abongereza yitwaga gutyo muri icyo gihe, nyuma y’imyaka itanu ishinzwe. Nyuma yaho, mu mwaka wa 1896, yegukanye FA Cup bwa mbere. Sheffield Wednesday magingo aya irabarizwa muri Championship (mu cyiciro cya kabiri mu bwongereza).
9.Queen’s Park F.C. (1867)
Queen’s Park ni yo kipe yashinzwe mbere y’ izndi muri Scotland, kandi inafite amateka akomeye, icyo itandukaniyeho na Sheffield Wednesday ni amezi zashinzwemo. Iyi kipe nayo yashinzwe mu mwaka wa 1867 kandi ifatwa nk’ ikipe y’ ubukombe mu mateka y’umupira w’amaguru wa Scotland, kuko ari yo yatangije ibikorwa byo gushinga ishyirahamwe ry’umupira w’amaguru rya Scotland (Scottish Football Association), ndetse abakinnyi bayo bose bifashishijwe nk’ ikipe y’ igihugu ya Scotland bakina umukino wa mbere w’amateka wemewe ku rwego mpuzamahanga, uyu mukino wahuje Scotland na Ubwongereza mu mwaka wa 1872, iki gihe ikipe y’ igihugu ya Scotland yiyambaje abakinnyi ba Queen’s Park kuko nta bandi bakinnyi babigize umwuga babagaho.
8.Nottingham Forest F.C. (1865)
Nottingham Forest ni yo kipe ifatwa nk’ iya kera kurusha izindi mu makipe akina mu cyiciro cya mbere cy’umupira w’amaguru mu Bwongereza (Premier League), . yashinzwe mu 1865, hanyuma 1892 yinjiye muri Football League (cyangwa se shampiyona y’ abongereza yitwaga gutyo muri icyo gihe).
7.Brigg Town F.C. (1864)
Brigg Town ni imwe mu makipe yo mu Bwongereza yabayeho kera cyane, aho amateka agaragaza ko umukino wayo wa mbere yawukinnye mu mwaka wa 1864, ariko kugeza n’ ubu ntiyigeze ibasha kugera ku rwego rwo hejuru ngo ikine shampiyon ay icyiciro cya mbere mu Bwongereza. Bageze ku mukino wa nyuma w’irushanwa rya mbere rya Lincolnshire Senior Cup mu mwaka wa 1882, kandi ni imwe mu bashinze Lincolnshire League mu mwaka wa 1948.
6.Wrexham A.F.C. (1864)
Wrexham usibye kuba ikipe y’ umupira w’ amaguru nina kimwe mu bintu biteye ishema rikomeye umujyi ikomokamo wa Wrexham, nk’uko bigaragara muri filime mbarankuru Welcome to Wrexham abizi neza. Yashinzwe mu mwaka wa 1864, Wrexham ni yo kipe ya ikuze kurusha izindi muri Wales, kandi ikibuga cyayo cyitwa Racecourse Ground gifatwa nk’ ikibuga cya mbere ku isi cyakiniweho imikino mpuzamahanga y’umupira w’amaguru.
5.Stoke City (1863)
Stoke City ivuga ko yashinzwe mu mwaka wa 1863, nk’uko bigaragara ku ikirango cyayo, nubwo nta gihamya kibigaragaza. Icyo gihe, yitwaga Stoke Ramblers, izina yahinduye mu mwaka wa 1878 ikitwa gusa Stoke. Nyuma, mu mwaka wa 1925, yahinduriwe izina yitwa Stoke City, ubwo umujyi wa Stoke-on-Trent wahabwaga uburenganzira bwo kwitwa “umujyi” (city).
4.Notts County F.C. (1862)
Notts County yashinzwe mu mwaka wa 1862, ndetse kandi ni yo kipe ya mbere y’umupira w’amaguru yabigize umwuga ku isi, nubwo atariyo yashinzwe mbere, ikaba yaranabayeho mbere y’ishingwa rya Ishyirahamwe ry’Umupira w’Amaguru ryo mu Bwongereza (Football Association) ubwaryo. Iyi kipe yari imwe mu zashinze ishyirwaho rya Shampiyona y’u Bwongereza (Football League) mu mwaka wa 1888, kandi imyambaro yayo y’imirongo y’ umukara n’umweru Juventus yo mu Butaliyani yiganye mu mwaka wa 1903.
3.Hallam F.C. (1860)
Hallam yashinzwe mu mwaka wa 1860, muri uwo mwaka ni nabwo yakinnye umukino wayo wa mbere ubwo yahuraga na Sheffield F.C. nayo ziri mu kigero kimwe, uwo mukino ukaba wibukwa nk’ umukino wa mbere wabaye mu mateka y’umupira w’amaguru ku isi. Ikibuga cyabo cyayo ni Sandygate, aho basangiye n’ikipe ya Hallam Cricket Club kuva zombi zashingwa, iki kibuga kandi cyemejwe n’ igitabo cya Guinness Book of World Records nk’ ikibuga cya mbere cy’umupira w’amaguru ku isi, kuko cyafunguwe mu mwaka wa 1804.
2.Cray Wanderers F.C. (1860)
Cray Wanderers ivuga ko yashinzwe bwa mbere mu mwaka wa 1860, ubwo abakozi bubakaga imihanda ya “gariyamoshi” bakoreshaga umwanya wabo wo kuruhuka bakina umupira mu gace ka St Mary Cray gaherereye muri Bromley, i London. Iyi kipe yabaye iy’ ababigize umwuga mu gihe gito hagati ya 1895 na 1907, ariko kuva icyo gihe yakomeje gukina ku rwego rw’ abatarabigize umwuga.
1.Sheffield FC (1857)
Sheffield FC yashinzwe mu Ukwakira mu mwaka wa 1857, Sheffield FC yemejwe na FIFA nk’ ikipe yabayeho bwambere ku isi mu mateka y’ umupira w’ amaguru. Nubwo izina ryayo ari “Sheffield”, iyi kipe ikinira imikino yayo mu mujyi witwa Dronfield muri Derbyshire, nyuma yo kwimura aho yakiniraga inshuro nyinshi mu mateka yayo. Magingo aya irabarizwa mu cyiciro cya 8 muri shampiyona y’umupira w’amaguru w’u Bwongereza.
Nkuko bisanzwe bizwi mu Bwongereza niho hantu umupira w’ amaguru ukunzwe cyane kuko ari naho watangiriye, cyane ko kuri runo rutonde rw’ amakipe akuze amenshi ni ayo mu Bwongereza nandi make yo mu bihugu bituranye n Ubwongereza. Twanabonye amakipe yashinzwe mu myaka imwe gusa agatandukanira ku mezi, nubwo amezi yashinzwemo atabashije kumenyekana kuko mu myaka ya kera ibintu byo kubika cyangwa kwandika amateka bitahabwaga agaciro cyane nko muri iyi myaka.
Itangazo ryo kurangisha
Boris Johnson yibasiye Minisitiri w’Intebe Keir Starmer amuziza ibirimo guhagarika amasezerano n’u Rwanda
